Mae Cymru yn wlad o wir harddwch naturiol, lle mae dyffrynnoedd gwyrdd, mynyddoedd garw a bryniau tonnog yn frith o lynnoedd dirifedi, afonydd troellog a nentydd clir crisial. Mae cannoedd o filltiroedd o arfordir creigiog heb eu difetha a thraethau tywodlyd, a phob un ohonynt yn cyfuno i wneud Cymru yn gyrchfan anhygoel i’r pysgotwr.

Lle bynnag yr ewch chi yng Nghymru fe welwch ddŵr – a lle mae dŵr, mae pysgod. Mae ein llynnoedd a’n hafonydd mewndirol yn llawn o frithyll gwyllt, brithyll y môr ac eog. Mae digonedd o rywogaethau pysgota bras yng Nghymru, gan gynnwys penhwyad, barfog, clwydi a chub, y mae pob un ohonynt yn tyfu i faint sbesimen. Mae ein moroedd yn llawn o fas, mullet, macrell, penfras, pelydrau, siarc a morgwn llyfn – i enwi ond ychydig o’r rhywogaethau y byddwch chi’n dod ar eu traws yn y dyfroedd hallt.

Mae Cymru yn lle y gellir mwynhau gweithgaredd pysgota awyr agored fel pysgotwr unigol, gyda ffrindiau neu gyda’r teulu. Pleidleisiwyd ein tri pharc cenedlaethol arbennig fel y cyrchfannau harddaf yn y byd, ac ym mhobman yr ewch chi, mae pysgota eithriadol i’w gael.

Yn ogystal â chynnig golygfeydd godidog, mae’r cymysgedd o rywogaethau, a’n dyfroedd lan yn darparu rhai o’r cyfleoedd pysgota gorau sydd ar gael yn Ynysoedd Prydain. Mae pysgota môr o’r lan yn rhad ac am ddim ac mae opsiynau tocynnau ar gael gan glybiau pysgota Cymru, cymdeithasau, pysgodfeydd a sefydliadau fel y Pasbort Pysgota sy’n cynnig profiad pysgota dŵr croyw o’r safon uchaf. Mae sefydliadau fel Pasbort Pysgota Wye and Usk Foundations ’yn cynnig mynediad cyhoeddus i safleoedd pysgota preifat ac unigryw, ar gyfer pysgod helgig a bras – lle mae pysgota gwych yn aros amdanoch.

Yn fwy na hynny, mae’n hawdd cyrraedd Cymru, gyda llwybrau trafnidiaeth a fydd yn mynd â chi’n uniongyrchol at y pysgota gorau – p’un a ydych chi’n dod o’r DU, Ewrop neu ymhellach i ffwrdd. Ond er ein bod ni’n hawdd cyrraedd, ble bynnag rydych chi’n pysgota yng Nghymru, cewch unigedd a llonyddwch bob amser – y ffordd orau i ddianc o fywyd modern.