![\"\"](\"https:\/\/fishingwales.net\/wp-content\/uploads\/2021\/11\/10270834_594533407328508_744075496090242648_n.jpg\")
<\/figure>\n\n\n\nDros y blynyddoedd, rwyf wedi pysgota ym mhob un o ddyfroedd llonydd Cymru drwy fy ngwaith fel ffotonewyddiadurwr ar gyfer amrywiaeth o gyhoeddiadau cenedlaethol. Gellir dal brithyllod seithliw a brithyllod ym mhobman, o’r gogledd i’r de ac o’r dwyrain i’r gorllewin, ac mewn rhai dyfroedd ceir hefyd frithyllod euraidd, brithyllod glas a brithyllod teigr. Mae Garnffrwd yn ddim ond un o’r lleoliadau hyn, ond yn ddiweddar mae ganddo un br\u00eed arall o frithyllod sy’n rhan o restr o bysgod yr hoffwn i eu dal cyn fy mod i’n marw, sef y sbartig.<\/p>\n\n\n\n Ceir y sbartig o ganlyniad i groesi brithyll nant a thorgoch yr Arctig, ac mae Garnffrwd yn un o’r unig ddyfroedd sy’n stocio’r pysgod syfrdanol hyn. Felly ar fore oer, clir ym mis Hydref, teithiais tua’r gorllewin ar hyd yr M4 yn y gobaith o gysylltu ag un o’r ychwanegiadau cymharol newydd hyn i’r olygfa pysgota dyfroedd llonydd.<\/p>\n\n\n\n Y diwrnod<\/strong><\/p>\n\n\n\n Nid yw’n talu ffordd codi’n gynnar yn ystod y gaeaf, gan nad oes dim i’w ennill o wneud hynny. Mae tymheredd y d\u0175r fel arfer yn rhy oer i lawer ddigwydd. Nid yw’r pysgod yn dechrau symud nes bod y d\u0175r yn cynhesu, a hynny ganol bore. Felly’r peth cyntaf o’m safbwynt i yw bwyta brecwast da, a dyna’n union a wnes i yng Ngarnffrwd y bore hwn. Paned a chlonc \u00e2 Jamie, y perchennog, cyn bwyta llond fy mol o frecwast llawn Cymreig gyda bara lawr a chocos, sef saig arbennig Christine a phryd sy’n rhaid ei brofi.<\/p>\n\n\n\n Os cewch chi gyfle, mae bob amser yn werth sgwrsio \u00e2 pherchennog neu reolwr y d\u0175r cyn pysgota oherwydd y gallwch ddysgu llawer iawn am blu, tactegau ac ardaloedd sy’n pysgota’n dda. Mae’n arbed llawer o amser, yn enwedig pan fo’r dyddiau’n fyr.<\/p>\n\n\n\n Penderfynais baratoi ddwy wialen \u2013 rwy’n teimlo’i bod hi’n bwysicach gwneud hyn yn y gaeaf nag yw hi unrhyw bryd arall yn ystod y flwyddyn oherwydd y gall esgoriad ddigwydd a gorffen yn sydyn ar yr adeg hon. Mae hyn yn tueddu i ddigwydd tua hanner dydd pan fo’r tymheredd yn ffafrio unrhyw fath o bryfyn sy’n debygol o esgor.<\/p>\n\n\n\n Mae cam cyntaf fy nghynllun yn golygu mynd draw i gornel yr argae, sef un o’m hoff leoedd ar y llyn, a’r dyfnaf. Rwy’n paratoi llinyn canolig, clir, sef deg troedfedd o linyn fflworocarbon \u00e2 straen torri o chwe phwys \u00e2 mursen felynwyrdd \u00e2 phen aur ar ei ddiwedd. Rwy’n taflu’r llinyn ymhell i’r llyn ac yn gadael amser iddo suddo cyn ei dynnu i mewn yn araf \u00e2 symudiad ffigur wyth. Rwy’n tueddu i bysgota’n araf dan amodau oer oherwydd nad yw pysgod, gan amlaf, yn hoff o symud yn gyflym pan fo’r tymheredd yn isel. Rwy’n taflu’r llinyn ar ffurf gwyntyll llaw gan chwilio am bysgod mewn arc o’m mlaen i gan fod hon yn ffordd dda o gyflwyno’ch pluen o flaen y pysgodyn heb iddo orfod symud yn bell i’w chymryd.<\/p>\n\n\n\n Yn ystod yr awr neu ddwy nesaf, rwy’n cael dwy ergyd fach yn agos i mewn wrth i mi orffen tynnu’r llinyn i mewn. Felly rwy’n canolbwyntio ar yr ychydig droedfeddi olaf, cyn oedi a chodi’r wialen yn araf, gan ei siglo wrth i mi wneud hynny, sy’n ddull gwych o atynnu pysgodyn sy’n dilyn. Mae hyn yn arbennig o wir os yw patrwm eich pluen yn cynnwys marab\u0175, oherwydd y mae’n ei bywiogi ac yn gwneud iddi phylsadu wrth iddi godi tua’r wyneb. Drwy ddefnyddio’r dull hwn, nid oes rhaid i mi aros yn hir cyn dal brithyll seithliw hardd o tua thri phwys, sy’n dyrnu’r wyneb cyn iddo fwrw’r bachyn i ffwrdd.<\/p>\n\n\n\n Tua hanner dydd, mae pethau’n cynhesu, ac, yn \u00f4l y disgwyl, mae ychydig o bysgod yn dechrau ymddangos ar yr wyneb, felly rwy’n rilio’r llinyn i mewn ar unwaith a newid drosodd i’r wialen arall roeddwn i eisoes wedi’i pharatoi \u00e2 llinyn arnofiol 5 pwysyn gyda dwy bluen sych, sef hopper<\/em> du ar y pen llinyn a shuttlecock<\/em> ar y pwynt. Yn fy mhrofiad i, y ddau batrwm hyn fu’r cyfuniad gorau wrth bysgota \u00e2 phlu sych, oherwydd nid yn unig y mae’r hopper<\/em> yn efelychiad da o buzzer <\/em>sych, mae hefyd yn efelychu pryfyn daearol sydd wedi’i chwythu i wyneb y d\u0175r, tra bo’r shuttlecock<\/em> CDC yn batrwm gwych ar gyfer chwiler gwybedyn yn yr haenen dd\u0175r sydd ar fin esgor. Ar unwaith, mae pysgod yn dangos diddordeb yn fy hopper<\/em> a chyn hir rwyf wedi’m cysylltu \u00e2 brithyll spartig o tua thri phwys sy’n ymladd yn gryf. Ar \u00f4l brwydr fywiog, mae’n llithro i mewn i fy rhwyd barod. Roeddwn i uwchben fy nigon, a dyna bysgod syfrdanol ydyn nhw, gyda’u smotiau majenta. Ar \u00f4l tynnu ychydig o luniau ohono, rwy’n ei ddychwelyd i’r d\u0175r; mae’n dda gweld pysgod yn cael eu rhoi’n \u00f4l yn y gaeaf oherwydd eu bod yn nofio i ffwrdd yn gryf gan eu bod yn adfer yn gyflym mewn d\u0175r oer.<\/p>\n\n\n\n Ar \u00f4l taflu’r llinyn ychydig mwy o weithiau, mae’r cyfnod o gymryd y plu yn dod i ben, felly rwy’n penderfynu symud tua 50 llathen ar hyd y lan oherwydd y gallaf weld ychydig o bysgod yn ymddangos. Oherwydd nad yw’r pysgod yn fywiog iawn mewn tywydd oer, mae’n talu ffordd i symud o gwmpas ac i beidio ag aros mewn un man yn rhy hir. Yr adeg hon o’r flwyddyn, mae angen i chi bysgota digon o dd\u0175r er mwyn dod o hyd i’r pysgod.<\/p>\n\n\n\n Wrth i mi nes\u00e1u at y llwyfan, gallaf weld bod un pysgodyn yn bwydo’n gyson yn agos i mewn. Rwy’n sleifio draw, disgyn i ‘mhengliniau a thaflu fy llinyn. Rwy’n cael codiad bach ar \u00f4l fy hopper<\/em> unwaith eto, ac wrth i mi godi’r wialen mae’r pysgodyn yn saethu allan i’r llyn gyda’r llinyn yn sgrechian oddi ar fy r\u00eel. Ar \u00f4l iddo geisio nofio o dan y llwyfan ychydig o weithiau, rwy’n llwyddo i’w rwydo. Spartig hardd arall, ychydig yn fwy o faint y tro hwn \u2013 rwy’n amcangyfrif ei fod tua phedwar pwys.<\/p>\n\n\n\n Daliais i ddau arall yn hwyrach y diwrnod hwnnw cyn i’r tymheredd ostwng a chyn i’r hwyl ddod i ben. Byddwn wedi bod yn fodlon ar ddal un spartig yn unig, ond roedd yn hollol annisgwyl dal pedwar ohonynt, yr oeddent i gyd wedi dod i’r plu sych.<\/p>\n\n\n\n Rhywbeth arall sy’n werth s\u00f4n amdano yw’r ffaith fod brithyllod wrth eu boddau ar ddechrau’r gaeaf oherwydd eu bod yn tueddu i roi’r gorau i fwydo yn ystod yr haf, ac felly pan maent yn synhwyro bod y tymheredd yn gostwng maent yn dechrau bwydo er mwyn rhoi pwysau ymlaen ar gyfer misoedd y gaeaf. Er na wnes i eu temtio yn ystod fy ymweliad y tro hwn, mi fyddaf yn dychwelyd cyn hir. Yn fy marn i, mae llawer o hwyl a sbri i’w gael yn ystod y misoedd oerach o ganlyniad i gyflwyno’r sbartig, a hynny oherwydd y rhan o’u geneteg sy’n deillio o ochr torgoch yr Arctig yn \u00f4l pob tebyg.<\/p>\n\n\n\n Mae Garnffrwd wir yn dd\u0175r ar gyfer dulliau efelychol, a dyma’r d\u0175r delfrydol ar gyfer y genweirwyr hynny sy’n mwynhau dull myfyriol a hwyl ar yr wyneb. Ceir yma ddigonedd o borthiant naturiol ac esgoriadau helaeth o bryfed. Tua mis Ebrill, mae’r lle yma’n hollol wahanol gyda’i esgoriadau o nymffod melynwyrdd, ond mae honno’n stori arall.<\/p>\n\n\n\n Tactegau a chynlluniau ar gyfer dyfroedd llonydd<\/strong><\/p>\n\n\n\n Cynllun 1<\/strong><\/p>\n\n\n\n Gwialen #7 deg troedfedd o hyd. Llinyn canolig gyda blaenllinyn deg neu 12 troedfedd o hyd gyda phatrwm atyniadol fel mursen \u00e2 phen aur, catswhisker<\/em> neu benbwl du.<\/p>\n\n\n\n Mae’r dull hwn fel arfer yn denu’r pysgod stoc newydd. Taflwch linyn hir, gadewch iddo suddo am tua deg eiliad cyn ei dynnu’n \u00f4l yn gyflym neu mewn tyniadau byr. Mae hefyd yn werth newid y cyflymder rydych yn tynnu’r llinyn yn \u00f4l ac oedi\/ailddechrau er mwyn denu’r pysgod i gymryd y bluen. Fy hoff ddull yw symudiad ffigur wyth oherwydd eich bod mewn cysylltiad cyson \u00e2’ch pluen.<\/p>\n\n\n\n Cynllun 2<\/strong><\/p>\n\n\n\n Gwialen #5 deg troedfedd o hyd. Llinyn ysgafnach ar gyfer gwaith mwy celfydd oherwydd bod pysgod yn aml yn cymryd pluen mewn ffordd ysgafn, sy’n golygu bod angen defnyddio dull sensitif ac effro. Plu sych neu buzzers<\/em>. Y ddau brif batrwm rwy’n troi atynt o ran plu sych yw CDC du a hopper<\/em> du, gan glymu’r hopper <\/em>ar y pwynt fel arfer. Sicrhewch eich bod yn datseimio’r blaenllinyn \u2013 rwy’n defnyddio clai pannwr. O ran nymffod, byddwn yn dewis Hare’s Ear<\/em> a Diawl Bach<\/em>, a fy nghyngor gorau ar gyfer nymffio yw ei bod yn amhosib tynnu’r llinyn yn \u00f4l yn ddigon araf, ac, yn ddelfrydol, dylech bysgota gyda gwynt sy’n dod o’r ochr oherwydd y bydd y crychau yn y d\u0175r yn eich helpu i barhau eich cyffyrddiad \u00e2’r llinyn wrth iddo grymu.<\/p>\n\n\n\n Cynllun 3<\/strong><\/p>\n\n\n\n Gwialen #5 deg troedfedd o hyd. Dangosydd bwng neu olwg. Nid wy’n defnyddio blobiau neu fwydod yn bersonol, ond mae’n wir, ar y diwrnod cywir, eu bod wedi profi i fod yn ddalwyr pysgod. Mae’n well gennyf ddefnyddio buzzers<\/em>, yn enwedig rhai epocsi du, ac os byddaf yn pysgota \u00e2 dau fachyn, byddaf yn clymu cynrhonyn coch ar y pwynt. Dalir pysgod gwell (bwydwyr naturiol) drwy’r dull hwn yn aml.<\/p>\n\n\n\n Dolen i bysgodfeydd d\u0175r llonydd yng Nghymru.![\"\"](\"https:\/\/fishingwales.net\/wp-content\/uploads\/2021\/11\/BeFunky-collage-1-1024x616.jpg\")
<\/figure>\n\n\n\n![\"\"](\"https:\/\/fishingwales.net\/wp-content\/uploads\/2021\/11\/20201010_104628-1024x576.jpg\")
<\/figure>\n\n\n\n![\"\"](\"https:\/\/fishingwales.net\/wp-content\/uploads\/2021\/11\/PSX_20200927_122117-1024x497.jpg\")
<\/figure>\n\n\n\n![\"\"](\"https:\/\/fishingwales.net\/wp-content\/uploads\/2021\/11\/PSX_20201011_132757.jpg\")
<\/figure>\n\n\n\n![\"\"](\"https:\/\/fishingwales.net\/wp-content\/uploads\/2021\/11\/PSX_20201011_213816-e-1024x1024.jpg\")
<\/figure>\n\n\n\n![\"\"](\"https:\/\/fishingwales.net\/wp-content\/uploads\/2021\/11\/BeFunky-collage-1024x588.jpg\")
<\/figure>\n\n\n\n
https:\/\/fishingwales.net\/cy\/pysgota-gem\/<\/a><\/p>\n\n\n\n